Koningkryk vs al hierdie dinge

Mat 6:33 Maar soek eers die koninkryk van God en sy geregtigheid, en al hierdie dinge sal vir julle bygevoeg word.

Weereens die ou bekende skriffie wat ons almal hardop kan se........
Maar hierdie keer is daar iets anders wat uitstaan. Ek is so 3 weke terug uitgedaag oor wat mammon regtig is. Die antwoord in my kop was dadelik geld, liefde vir geld, goeters ens.....

Mat 6:24 Niemand kan twee here dien nie; want òf hy sal die een haat en die ander liefhê, òf hy sal die een aanhang en die ander verag. Julle kan nie God én Mammon dien nie!
Ek sal terug kom na hierdie punt toe.

Eers moet ons vir onsself afvra wat Koninkryk is? Dit is SY behoeftes, SY begeertes en dit is TYD MET DIE VADER. Verhouding met die mens, intimiteit met jou en my, is wat Hy begeer. Hieruit spruit die vrug en sodoende die effek op die mense om my.
Jesus maak 'n stelling in Matt 6:33 dat ons eers die koninkryk moet soek omdat ek glo Hy weet dat die mens in een dag / 24 uur, nie die koninkryk en al hierdie dinge kan soek nie.

Wat is "al hierdie dinge"?
Wat jy sal eet, aantrek, waar jy gaan bly, jou beskerming, genesing, voorsiening - JOU OORLEWING!! Al die dinge wat oor jou gaan!!
Ons weet deur ons verhouding met Hom, dat "al hierdie dinge" Sy hart is, Hy wil dit vir ons he, en daarom se Hy dat "al hierdie dinge" vir ons bygevoeg sal word........

MAAR NOU, om terug te kom na mammon; is dit nie maar al hierdie dinge wat oor my gaan nie???!!!

Mat 6:24 Niemand kan twee here dien nie; want òf hy sal die een haat en die ander liefhê, òf hy sal die een aanhang en die ander verag. Julle kan nie God én Mammon dien nie!
Mat 6:25 Daarom sê Ek vir julle: Moenie julle kwel oor jul lewe—wat julle sal eet en wat julle sal drink nie; of oor jul liggaam—wat julle sal aantrek nie. Is die lewe nie meer as die voedsel en die liggaam as die klere nie?

v 24 se julle kan nie God en mammon dien nie,DAAROM moenie julle nie kwel oor julle lewe!!!!
Ek kan nie die koninkryk soek en my kwel oor my lewe nie. Ek kan nie die koninkryk soek en "al hierdie dinge" nie!!!!!!!
Ek kan nie God en mammon dien nie!!!!!!!

Ons moet EERS die koninkryk soek, eers tyd met Hom maak, waarlik intimiteit met Hom smaak. Dan sal al die dinge in elk geval vir ons bygevoeg word. Natuurlik wil Hy ons beskerm, genees, onderhou ens. Dit is Sy hart vir ons en dit het nog nooit verander nie.
Hy het net nog nooit bedoel dat ons "die dinge" moet najaag nie.

Sy droom was nog van die begin af dat ons Hom sal soek!!!!!!!!!

My begeerte is om soveel tyd as moontlik met Hom te spandeer, om my gedagtes een met Sy gedagtes te maak. Om te sien soos Hy sien, droom soos Hy droom. Om net saam met Hom te wees, by Hom te sit............

Dit is ook my begeerte vir jou!!