Wie soek vir wie??

Ek het nou die oggend net hierdie gedagte bedink oor hoe ons na God “soek”. Ons soek Hom vir deurbrake, vir wysheid, vir vergifinis…… Ek praat nie net van woordspeling nie, maar ‘n hele wese wat soekend is na God.

Net nadat Adam en Eva in die tuin van die vrug geeet het en hulle oe oopgegaan het, het hulle weg gaan kruip. En raai wat: God soek na hulle!!

Gen 3:9-10 Toe roep die HERE God na die mens en sê vir hom: Waar is jy?En hy antwoord: Ek het u geruis gehoor in die tuin en gevrees, want ek is naak; daarom het ek my verberg.

Hy soek na ons!

Opb 3:20 Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My.

Ons is so besig om God van erens af, nader te wil bring of te soek. Hetsy deur ons werke, ons aanbidding, middelaars en leefstyl:

Rom 10:6 -8 Maar die geregtigheid wat uit die geloof is, sê dit: Moenie in jou hart sê nie: Wie sal in die hemel opvaar, naamlik om Christus af te bring;of: Wie sal in die afgrond neerdaal, naamlik om Christus uit die dode op te bring?Maar wat sê dit? Naby jou is die woord, in jou mond en in jou hart. Dit is die woord van die geloof wat ons verkondig

Daar is nou geen meer skeiding tussen ons en God nie, geen meer verskoning

Ef 2:14 Want Hy is ons vrede, Hy wat albei een gemaak en die middelmuur van skeiding afgebreek het

As ek dan nou nie hoef te soek nie, kan ek maar net rus in die wete dat Hy my “gesoek” het, EN gevind het in Jesus Christus. In Jesus het Hy geword wat ek was sodat ek kan wees wat Hy is (2Kor5:21)

Psa 46:10 Laat staan en weet dat Ek God is; Ek sal hoog wees onder die nasies, hoog op die aarde.

Psa 46:10 Be still, and know that I am God

Jes 14:7 Die hele aarde rus, is stil; hulle breek uit in jubel.

Jes 30:15 Want so sê die Here HERE, die Heilige van Israel: In terugkeer en rus lê julle heil, in stil wees en vertroue bestaan julle krag;

En selfs in die kere wat die mens na God gesoek het, het Hy hom laat vind. Hy kruip nie weg of speel dood nie…

2Kron15:4 Maar as hulle in die nood hul tot die HERE, die God van Israel, bekeer het en Hom gesoek het, het Hy Hom deur hulle laat vind.

Jy sien, hier is Sy hart :

Jes 65:1 Ek het My laat raadpleeg deur wie na My nie gevra het nie; Ek het My laat vind deur die wat My nie gesoek het nie; aan ‘n nasie wat na my Naam nie genoem is nie, het Ek gesê: Hier is Ek, Hier is Ek!

1Joh 4:19 Ons het Hom lief, omdat Hy ons eerste liefgehad het.

Sy teenwoordigheid en nabyheid IN my, laat my so versadig, so vergenoeg. Nooit weer is ek soekend…

Joh 4:13-14 Jesus antwoord en sê vir haar: Elkeen wat van hierdie water drink, sal weer dors kry;maar elkeen wat drink van die water wat Ek hom sal gee, sal in ewigheid nooit dors kry nie, maar die water wat Ek hom sal gee, sal in hom word ‘n fontein van water wat opspring tot in die ewige lewe.

Wat jy hieruit kan vat is die feit dat God nooit die mens alleen gelaat het nie. Hy soek al van die eerste dag af wat die mens sy eie rigting inslaan, na ons. Wat ‘n gedagte om te koester, dat die God van die heelal, na my soek, daagliks! Sy begeerte is na my!

Genade:'n Keuse??????

Genade word gereeld in engels beskryf as: “unmerited favour” of soos ons se, onverdiende guns…..Dis iets wat ons nie verdien het nie, en dan in dieselfde asem voel ons, ons moet dit nog kies.

Hier is die waarheid: jou keuse het NIKS met God se genade uit te waai nie.

Jou keuse het nie bepaal of Jesus aan die kruis sou sterf en vir die mensdom hul vryheid koop nie.

Jou keuse het jou nie die geregtigheid van God gemaak nie.

Jou keuse maak jou nie meer eksklusief of beter as die mens langs jou nie.

Jou keuse is nie iets waarop jy kan roem nie.

Wat keuse aanbetref gee God jou nog die antwoord ook, so dis nie eers jou eie wysheid gewees nie:

Deut 30:19 Ek neem vandag die hemel en die aarde as getuies teen julle; die lewe en die dood, die seën en die vloek het ek jou voorgehou. Kies dan die lewe, dat jy kan lewe, jy en jou nageslag,

Net soos jy geen keuse gehad het in die feit dat Adam die vrug geeet het en die hele aarde onder die vloek van sonde gekom het nie, VEEL MEER het jy geen invloed gehad in die feit dat die hele mensdom deur die een Jesus Christus, geregverdig gemaak is.

Rom 5:17 Want as ten gevolge van die misdaad van die één die dood geheers het deur die één, veel meer sal hulle wat die oorvloed van die genade en van die gawe van die geregtigheid ontvang, in die lewe heers deur die Één, Jesus Christus.

Rom 5:18 Daarom dan, net soos dit deur een misdaad vir alle mense tot veroordeling gekom het, so ook is dit deur een daad van geregtigheid vir alle mense tot regverdigmaking van die lewe.

Rom 5:19 Want soos deur die ongehoorsaamheid van die een mens baie tot sondaars gestel is, so sal ook deur die gehoorsaamheid van die Één baie tot regverdiges gestel word.

God het in Sy eie barmhartigheid en LIEFDE besluit en gesmag na eenheid met die mens.

Sy hart is jy, en Hy het van Sy kant af alles gedoen sodat daar nooit weer skeiding tussen mens en God hoef te wees nie. Daar sal geen meer verskoning wees vir skeiding met God nie.

Geen vertraging in ons gesprekke met Hom nie. Elke asemteug roep die naam van die Here uit.

Hoekom is hierdie punt belangrik?? Omdat ons nie eksklusief is nie. Ons het niks om in te roem nie, behalwe Christus nie. Ek kan nie die kwas uit die meester kunstenaar se hand neem en byvoeg by die alreeds heerlike prentjie van wat Hy sien nie. EK KAN NIE EN HOEF NIE BY TE VOEG NIE.

Wat bly dan oor? Word wakker!!

Psa 17:15 Maar ek sal u aangesig in geregtigheid aanskou; ek sal versadig word met u beeld as ek wakker word.

Col 3:1 You are raised together with Christ! Now pursue with persuasion the consequence of your co-inclusion in Christ. Relocate yourself mentally! Engage your thoughts with throne room realities; his resurrection co-raised you to the same position of authority, seated in the executive strength of God's right hand.Col 3:2 Becoming affectionately acquainted with these thoughts will keep you from being distracted again by the earthly (soul-ruled) realm.Col 3:3 Your union with his death broke the association with that world; the secret of your life now is the fact that you are fully embraced with Christ in God.

Jesus word nie weer gekruisig elke keer as individue die regte keuse maak nie.

Hy het een maal die volkome prys betaal vir altyd. Jy was reeds ingsluit daardie dag aan die kruis, voor jy dit besef het.

Vandag hoor jy dus die woord van God se genade en waarheid, en alles in jou word “wakker” en spontaan reageer jy met ‘n keuse vir iets of Iemand wat jou reeds voor die grondlegging van die aarde al eerste gekies het.

My reaksie is dus nie ‘n voorvereiste vir Sy genade of liefde nie, maar ‘n spontane, heerlike, gevolg van iets wat so resoneer in my hele wese. Woorde kan nie eers beskryf wat met die mens gebeur as hy sy oorsprong ontdek nie.

James 1:25 The other one is mesmerized by what he sees; he is captivated by the effect of a law that frees man from the obligation to the old written code that restricted him to his own efforts and willpower. No distraction or contradiction can dim the impact of what he sees in that mirror concerning the law of perfect liberty (the law of faith) that now frees him to get on with the act of living the life (of his original design.) He finds a new spontaneous lifestyle; the poetry of practical living.

Lewe

‘n Ander saak wat my hierdie laaste ruk in my kop besig hou, is ons konstante beswustheid van goed en kwaad. Ons konstante besig wees met reg en verkeerd.

In die begin:

Gen 2:9 En die HERE God het allerhande bome uit die grond laat uitspruit, begeerlik om te sien en goed om van te eet; ook die boom van die lewe in die middel van die tuin, en die boom van die kennis van goed en kwaad.

Gen 2:16 En die HERE God het aan die mens bevel gegee en gesê: Van al die bome van die tuin mag jy vry eet,

Gen 2:17 maar van die boom van die kennis van goed en kwaad, daarvan mag jy nie eet nie; want die dag as jy daarvan eet, sal jy sekerlik sterwe.

Hierdie is so bekende stukkie wat ons almal ken, maar ek dink nie ons almal deurtrek na ons daaglikse lewe nie.

Om konstant besig te wees met reg en verkeerd ; goed en kwaad; veroorsaak dood. Natuurlik nie fisiese dood nie, maar ‘n tekort aan lewe in oorvloed.

Jy is dan heeltyd besig met “harde werk” en moeitevolle arbeid wat nie seen dra nie….

Ja daar is reg en verkeerd, maar as ons fokus LEWE is, sal die uitkoms meer as net “reg”wees!!

Ons, en veral ouers, soek net wat goed is vir ons kinders. Mag hulle hiermee speel, mag hulle daarna kyk, wat van superheroes, wat van dit en dat……. Boom van goed en kwaad……!!!!!

Ek doen nie alles reg nie, maar probeer regtig om eerder die “lewe” roete te volg. Wat is dan die lewe roete. Dis om in verhouding met God besluite te neem, sonder vrees of wet. Om te kan weet dat geen speelding meer outoriteit in ons huis het as Jesus nie.

Om te weet dat op ‘n seker ouderdom is seker films nie stigtend en opbouend nie, maar om nie uit vrees vir watter houvas dit op my kind kan he, te se jy mag nie dit kyk nie. Om eerder kids selfstandig groot te maak en te ondersteun met wysheid.

Ek glo ook dat ons die outoriteit van God in ons kinders onderskat. Kids het nie minder van God as ek nie. Die outoriteit wat jy as ouer het, is in elk geval nie jy nie, maar God in jou.

Dieselfde volheid van God is in ons kinders, en die lewe roete is om hulle daarvan bewus te maak, sonder om alles om hulle dood te druk en weg te steek.

Luister nou mooi, ek gooi nie my kinders vir die wolwe nie, ek glo dat hulle in die ouerhuise is om beskerm te word en in veiligheid en onskuld groot te word.

Ek glo egter dat ons dit kan doen vanuit die BOOM VAN LEWE en nie die boom van goed en kwaad nie.

Dis die lang roete, “the road less travelled by”. Maar ek weet dat die vrug op hierdie roete oorvloedig is, dat dit ‘n plek van waters van vrede en RUS is. ‘n Plek van vrede, veiligheid, heiligheid.

Hierdie is nie net vir ouers en kinders nie, dis vir ons elkeen wat moeg is van daaglikse struggle met reg en verkeerd. Ons wil so graag besig wees met dit wat reg is dat ons vergeet om besig te wees met LEWE, RUS………..

Besig met Hom, en nie die harde werke en pogings om Hom ‘happy’ te hou nie.

Ek weet nie of ek die hart van hierdie begrip met woorde oordra nie, maar die bottom line is, dat ek eerder besig wil wees met Hom as om besig te wees met die dinge(goed en kwaad;reg en verkeerd)!!!!

God is nogsteeds goed!

Dit gaan my verstand te bowe dat ons as kinders van die Here die goedheid van God moet verdedig, veral by ander kinders van die Here….

God is goed – “Ja Amen Hallelujah”

God is lig - “Ja Amen Hallelujah”

God is lewe en oorvloed - “Ja Amen Hallelujah”

Sondes is vergewe - “Ja Amen Hallelujah”

Sonde is nie meer ‘n issue nie –nee nee wag nou bietjie wat van…….

Ons sit in hemelse plekke- ???

God is vir my wie kan teen my wees -“Ja Amen Hallelujah”

God laat nie slegte goed gebeur nie – nee ons kan nie so se nie, hy vorms ons…

Ek is regverdig – neee eers eendag…dis nog ‘n harde pad van heiligmaking

God se hart is vir ons net dit wat goed is – ja, maar Hy praat met ons deur omstandighede

Dieselfde fontein kan nie vars en bitter water voortbring nie - “Ja Amen Hallelujah”

God beplan nie jou siekte en dood nie – nee, God het ‘n tyd vir alles

Ek kan nog vir ure aanhou met voorbeelde en LEUENS wat die rondte doen oor ons Pa. (Ek wil nie mense afmaak nie, want meestal is dit godsdiens wat ons hierdie uitsprake laat maak. Dieselfde as Job wat uitsprake gemaak het oor God het gegee en God het geneem, maar 30 hoofstukke later kom hy en HERROEP alles wat hy gese het:Job 42:5-6 Volgens hoorsê het ek van U gehoor; maar nou het my oog U gesien. Daarom herroep ek en het berou in stof en as.)

Ek dink nie ek sal moeg word daarvoor nie, solank as wat ek lewe sal ek die goedheid van God verdedig indien nodig.

Jy sien, ek roep saam met Dawid uit:

Psa 34:8 Smaak en sien dat die HERE goed is; welgeluksalig is die man wat by Hom skuil!

Die goedheid van God word deur die eeue heen besing, aan Sy goedertierendheid is daar geen einde nie.

Sy CV by by is een van goedheid en guns. Alles is nie altyd nie rooskleurig nie, maar Hy is die een konstante wat vas bly staan. Hy is die een wat nie verander nie. Hy is die lig in my lewe en in Hom is daar geen duisternis nie.

Hy is my toevlug en my rotsvesting. Daar is by my GEEN agterdog oor Hom nie. Ek sal Hom nooit as ‘n verdagte sien in enige saak nie. Dis uitgeklaar, afgehandel en ‘n done deal in my hart dat God Goed is.

Hoe kan ek Hom vertrou, waarlik vetrou as ek Hom verdink vir die dood van ‘n geliefde, of die siekte ens….

Mat 6:22 Die lamp van die liggaam is die oog. As jou oog dan reg is, sal jou hele liggaam verlig wees.

Mat 6:23 Maar as jou oog verkeerd is, sal jou hele liggaam donker wees. As dan die lig in jou donkerheid is, hoe groot is die donkerheid nie!

As Hy, in wie jy kan vertrou, altyd met agterdog benader word? As dit wat lig veronderstel is om te wees duister is, hoe groot is jou duisternis nie?

Hierdie denkwyse het ‘n klomp implikasies.

Die beteken dat Sy volkome werk aan die kruis, werklik volkome was.

Dit was nie ‘n Jesus aan die kruis + my poging nie. Dit was nie ‘n Hy doen alles vir my, maar ek moet nou van my kant af die volgende doen om Hom te behaag nie. Dit wat ek doen kom uit ‘n hart van oorvloed.

God se hart is vir die mens, dat nie EEN sal velore gaan nie, maar die ewige lewe sal he. Sy prys is vir elkeen, ook die verkragter, moordenaar, egbreker en alkholis ens…..

Sy prys maak dat daar nie meer ‘n ons en ‘n julle is nie. Ons sy kinders en julle die wereld……

ALMAL is ingesluit in Sy droom, die hele aarde. Elke knie sal buig en elke tong sal bely dat Hy God is. Sy werk aan die kruis was nie ‘n flop nie.

Adam se keuse in die tuin om te eet van die boom van goed en kwaad, en die outoriteit oor te gee aan die vyand, KAN NIE MEER SUKSESVOL WEES AS DIE WERK VAN JESUS NIE!!!!!

Voor die mens in Adam geval het, het God ons reeds in Jesus ingesluit.

Mat 7:9 Of watter mens is daar onder julle wat, as sy seun hom brood vra, aan hom ‘n klip sal gee;

Mat 7:10 en as hy ‘n vis vra, aan hom ‘n slang sal gee?

Mat 7:11 As julle wat sleg is, dan weet om goeie gawes aan julle kinders te gee, hoeveel te meer sal julle Vader wat in die hemele is, goeie dinge gee aan die wat Hom bid!

Deur die wet is ek vir die wet dood om vir God te lewe.

Ons wonder baie hoekom ons nie altyd die beloftes van God sien in elke area nie. Ek glo daar is baie antwoorde, maar ek het so bietjie die laaste ruk ondersoek ingestel

1 Kor 2:14 Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word.

Wat is hierdie natuurlike mens wat nie die dinge, die seen van God aanneem nie?

Rom 8:6 Want wat die vlees bedink, is die dood, maar wat die Gees bedink, is lewe en vrede,

Ons vlees bedink dood, omstandighede ens wek vrees op en ons bedink nie wat daar bo is nie.

Dood?

1Co 15:26 Die laaste vyand wat vernietig word, is die dood.

Dis ons vyand waarteen ons elke dag baklei

Rom 8:2 Want die wet van die Gees van die lewe in Christus Jesus het my vrygemaak van die wet van die sonde en die dood.

2Kor 3:6 wat ons ook bekwaam gemaak het as dienaars van ‘n nuwe testament, nie van die letter nie, maar van die gees; want die letter maak dood, maar die gees maak lewend.

2 Kor 3:7 En as die bediening van die dood, met letters op klippe gegraveer, in heerlikheid was, sodat die kinders van Israel nie die oë kon vestig op die aangesig van Moses nie vanweë die heerlikheid van sy aangesig, wat tog moes vergaan,

Hierdie vyand is die WET wat in ons deur oorgelewerde mense gebooie, “klou” aan ons!! Hierdie vyand hou ons uit die beloofde land wat reeds vir ons gegee is en reeds ingeneem is. God se ook vir Josua in Jos 1:2 dat Moses nou dood is en dat hulle die land kan inneem. Die wet is nou dood, die beloftes is nou ons erfdeel

Deut 12:10 Maar julle sal deur die Jordaan trek en woon in die land wat die HERE julle God julle laat erwe, en Hy sal julle rus gee van al julle vyande rondom, en julle sal veilig woon.

Jos 1:2 My kneg Moses is dood; maak jou dan nou klaar, trek deur hierdie Jordaan, jy en hierdie hele volk, na die land wat Ek aan hulle, die kinders van Israel, sal gee.

Jos 1:3 Elke plek waar julle voetsool op sal trap, dit gee Ek aan julle, soos Ek met Moses gespreek het.

Jos 5:11 En hulle het die dag ná die pasga van die opbrings van die land geëet: ongesuurde brode en gebraaide koring, daardie selfde dag.

Jos 5:12 En die dag nadat hulle van die opbrings van die land geëet het, het die manna opgehou, sodat die kinders van Israel verder geen manna gehad het nie; maar hulle het geëet van die opbrings van die land Kanaän in daardie jaar.

Die volk het dus die beloofde land ingegaan. Hulle het geeet vandie opbrengs van die beloofde land. Dit is nie meer iets wat nog moet gebeur nie. Dis ‘n afgehandelde saak. Ons sit reeds in hemelse plekke saam met Hom en heers in hierdie lewe.

Ons denke is dus nog in die woestyn. Ons oorgelewerde mense gebooie, die wet, maak dat ons nog glo in die woestyn lewe. Die kop bo water manier van lewe, en dan natuurlik die wettiese “vergenoegdheid”. Ek moet nou maar happy wees met wat ek het….. God se egter in Ef1:3 dat ons reeds geseend is met ALLE geestelike seeninge.

Paulus praat in Romeine van ‘n veel meer bediening.

Rom 5:15 veel meer het die genade van God en die gawe deur die genade van die een mens, Jesus Christus, vir baie oorvloedig geword.

Ons moet vergenoegd wees met die oorvloed, seen, veel meer.. Hy het ver bo wat ons kan dink of droom in gedagte vir die wat Hom liefhet.

Wat is dan die oplossing as die wet my weghou van die beloftes: Die wet is die vyand wat reeds oorwin is.

Rom 7:4 So, my broeders, is julle dan ook ten opsigte van die wet dood deur die liggaam van Christus, om aan ‘n ander te behoort, naamlik aan Hom wat uit die dode opgewek is, sodat ons tot eer van God vrugte kan dra.

Gal 3:13 Christus het ons losgekoop van die vloek van die wet deur vir ons ‘n vloek te word—want daar is geskrywe: Vervloek is elkeen wat aan ‘n hout hang—

Gal 3:14 sodat die seën van Abraham na die heidene kan kom in Christus Jesus, en dat ons die belofte van die Gees deur die geloof kan ontvang.

Mat 5:17 Moenie dink dat Ek gekom het om die wet of die profete te ontbind nie. Ek het nie gekom om te ontbind nie, maar om te vervul.

Dis soos ‘n kind wat vir ‘n naweek by die oppasser bly. Maandag as ouers terug is kies die kind die oppasser……. Sy kan nie verstaan waarom die oppasser nie vir haar soveel liefde gee soos haar pappa en mamma nie, en hoekom sy nie sulke lekker kossies en nannas kry nie, maar sy kies nogsteeds om by die oppasser te bly.

Die ouer het die oppasser se werk vervul toe hulle maandag opgedaag het..

Jesus het die wet vervul die oomblik toe Hy opgedaag het!!!!!!!!!!!!!!!!!!!!!!!!!!!!!!!!!!!

Gal 2:19 want deur die wet is ek vir die wet dood om vir God te lewe.

Die erns om vir eens en altyd ‘n einde te maak aan die wet in my lewe is van kardinale belang om waargatig Sy beloftes in my lewe te sien, en ‘n lewe in oorvloed te ervaar. Daar is volgens Heb geen meer offer vir die wat die wet kies nie. Jesus het eenmaal vir altyd die volmaakte offer betaal sodat ons waarlik vry kan wees

Ek sal volgende week deel oor hoe om die woord van waarheid en hoop in jou hart te bewaar en dit te spreek en sodoende lewe en ‘n stem aan jou geloof te gee.

Johannes se die Woord het vlees geword en onder ons kom woon!!