God is met ons!

Vanoggend ry ek in die kar en die ou bekende liedjie speel oor die radio: 

What if God was one of us…….??

If God had a name, what would it be?
And would you call it to his face
If you were faced with Him in all His glory?
What would you ask if you had just one question?

And yeah, God is great
Yeah, God is good
What if God was one of us?
Just a slob like one of us?
Just a stranger on the bus
Trying to make His way home?

If God had a face, what would it look like?
And would you want to see
If seeing meant that you would have to believe
In things like Heaven and in Jesus and the saints
And all the prophets?

Ek ry en dink wat mense van Jesus sou dink as Hy vandag tussen ons gewandel het. Ons het Hom deur die jare al so verander, Hom so iets anders gemaak as wat Hy is. Ek dink nie ons sou Hom nie herken het nie, sou Hom dalk nie eers gevolg het nie. Hy sou al die verkeerde labels van hierdie wereld gedra het….Hy sou nie ingpas het nie, sou nie die “cut” gemaak het nie.

Hy sou dieselfde slegte reputasie van Sy tyd gehad het, wyn suiper en vriend van die sondaars. Sy eerste wonderwerk was om 680 liter wyn te maak vir ‘n troue waar die mense alreeds die heel aand wyn gedrink het, net om een storie te noem.

Hy het rondgeloop met ‘n baard, lang hare en geen werk, in ons woorde ‘n werklose, huislose boemelaar op die straat wat moes rigting kry.

Jy sien, hy was nooit ingestel op labels en wat mense gedink het van Hom nie. Hy sou vandag seker dieselfde gewees het as toe – Die Messias wat gekom het sonder ‘n groot “whoo haa”, wat mense gesoek het wat gebroke en seer was, alleen, siek en moeg vir die stelstels van die dag. Hy sou nogsteeds net met sy besigheid aangegaan het en dit was om die goeie nuus te bring, stories te vertel, mense van hulself te red, die blindes werklik te laat sien, om die gebrokenes van hart op te tel, en ‘n gunstige jaar uit te roep oor elkeen wat in kontak met Hom gekom het.

Ek glo nie Hy wou ooit in ‘n teologiese boksie geplaas word nie, maar ek glo Hy wil persoonlik ervaar word. Hy ken die “rock bottom” van ons elke dag. Hy is nie die preetse regter, harde hart, swart en wit God, wat mense vir ons voorgehou het nie.

Miskien is Hy net wie Hy is, en moet ons Hom so leer ken. Hy is nie lus vir doktrines en strikvrae nie. Hy is geintereseerd in JOU..

God was en sou vandag tussen ons net “real” gewees het. Geen verdraaiing van Homself nie. Geen korrekte verteenwoordiging van Homself nie. Net Homself soos Hy is... Net daar waar jy is, op die vloer, op die bed, in die kar, terwyl jy nagte wakker le , terwyl jy draf...Net waar jy is, hoe jy is...

Hy het gepraat met skares as dit was wat Hy wou doen. Hy het weggeraak alleen as alles te veel gevoel het. Hy was geirriteerd met die smouse in die tempel en het eintlik heeltemal Sy humeur verloor en hulle uitgesmyt. Nooit het Hy verby 'n sieke geloop sonder om te genees nie.
Sy tere oomblik in Getsemane wys Sy af tyd, Sy tyd van inmekaar stort, Sy "rock bottom". Waar Hy bloed gesweet het en op sy kniee voor God gesmeek het dat die beker verby sal gaan.

Dalk sou Hy vandag met hedendaagse medici, gediagnoseer geword het met een of ander geestelike versteuring, bipolar, of skisofrenie….Hulle sou Hom tien teen op medikasie wou plaas oor die stemme in Sy kop…

Ek dink my punt in alles is dat Hy mens wees ken en verstaan. Hy was een van ons, is een van ons. Hy ken lewe, hy ken die struggles en die battles. Hy is bewus van ons onsekerhede, ons agterstande en tekortkominge. Hy weet wat dit is om jou kop te wil stil maak as die reus se stem jou bly uittart.

Hy ken vrees en angs, Hy ken mislukking, Hy ken teleurstelling, Hy ken frustrasie, Hy ken stukkend, seer, platgeslaan, blydskap, vreugde, ekstase………Hy ken JOU.

Maar, Hy ken ook Sy Vader, en het die wete, die oortuiging dat ons in hierdie wereld is, maar nie van hierdie wereld is nie. Dat ons goeie moed kan hou, want Hy het die wereld reeds oorwin. Hy weet dat soos Hy en Sy Vader een is, is ons een met Hom.

Hou dus goeie moed, God is met ons!!

Wie is God vir jou?

Elkeen van ons leer Hom ken. Elkeen stap Sy eie pad, maak sy eie besluite en dra sy eie gevolge.

Baie van ons ken Hom soos Hy vir ons voorgehou is deur iemand anders, ons ouers, jou pastoor of dominee, of ‘n goeie vriend.

Baie van ons het ‘n diep intense begeerte om Hom te leer ken, om werklik te weet wie hierdie God en Vader regtig is. Ek glo dis deur jou eie intieme ervaring van en met Hom wat jy Hom werklik leer ken. In jou seer waar jy Sy krag sien werk, in jou hopeloosheid waar sy Hoop die rots is. Ek kan net getuig en deel vanuit my eie ervaring, Sy track record in my lewe en huidige situasie is 100%!! Hy het Homself al oor en oor bewys. Maar tog elke keer, en in elke omstandigheid, sien ek meer van Sy karakter, ervaar ek meer van Sy hart. Sy intense liefde vir my, Sy droom oor my, Sy seer saam my, en Sy vreugde saam my.

Job deel hierdie waardevolle ervaring:

 Job 42:5  Volgens hoorsê het ek van U gehoor; maar nou het my oog U gesien.

Job 42:6  Daarom herroep ek en het berou in stof en as.

Nou het Job self gesien en nie meer van hoorse gehoor nie. Nou kan hy uit sy eie ervaring deel en getuig,

Rom 10:6  Maar die geregtigheid wat uit die geloof is, sê dit: Moenie in jou hart sê nie: Wie sal in die hemel opvaar, naamlik om Christus af te bring;

Rom 10:7  of: Wie sal in die afgrond neerdaal, naamlik om Christus uit die dode op te bring?

Rom 10:8  Maar wat sê dit? Naby jou is die woord, in jou mond en in jou hart. Dit is die woord van die geloof wat ons verkondig:

Niemand kan God se hart en Wie Hy is vir jou “bring” nie. Jy self gaan Hom leer ken. Naby jou is Hy..

Dis sy hart vir jou en my, intimiteit. ‘n Lewe in oorvloed, goedheid en guns wat ons volg al die dae van ons lewe. ‘n Hoopvolle toekoms, ‘n lewe van oorwinning, vrede, vreugde. Sy hart is dat jy kind is, nie slaaf nie. In slegte en goeie tye, bly Hy God, en bly Hy ‘n goeie Vader. Ek daag jou uit om Hom elke dag meer en meer intiem te leer ken.

Uit my ervaring van die laaste ruk, kan ek die volgende kom deel. Ek het een aand gedroom en in die droom was daar ‘n duidelike padaanwysing met die word Elysian daarop. Toe ek die volgdende oggend wakker word het ek die woord gaan google omdat ek geen idee gehad het wat dit beteken het nie, en nog nooit voorheen die woord gehoor het nie.

Dit beteken die volgende:

“perfect, peacefull, divinely inspired, delightfull, beautiful, blissful, creative, in grieks het dit verwys na “characters of heaven”, “a state of happiness which most people hope to enjoy”

Hierdie was Sy hart vir my in ‘n tyd wat dinge bietjie deurmekaar was, en toe ek daardie dag gaan lees kry ek die versie in Jes 62:2…; “en jy sal met ‘ n nuwe naam genoem word, wat die mond van die Here sal noem.” God het my “naam kom verander”. Hy wil intiem betrokke wees in jou elke situasie as ons Hom net sal toelaat en raaksien dat Hy intens belang stel in ons.

In Ps 45:1 staan die volgende - My hart word bewoë deur goeie woorde; ek dra my gedigte voor aangaande ‘n Koning; my tong is die pen van ‘n vaardige skrywer.

God het Sy hart die afgelope ruk kom deel met my en dan skryf ek sommer neer wat ek ervaar. Ek het gevoel om die volgende gedig te deel omdat ek voel dat dit Sy hart so duidelik vir elkeen van ons, in watter situasie ook al kom openbaar:

Broos

My Ego, my emosies

Breekbaar

My hart

Ontbloot, weerbaar

My wese

Doolhof

My denke

Maar in hierdie plek is Hy naby

Hier hoor jy elke asemteug

Jy voel elke klop van sy hart

Jy weet

Jy hardloop en word nie moeg

Ek kyk toe

In hierdie brose ontbloting ervaar jy lewe

Proe jy krag wat deur jou borrel

Vlieg jy hoog

Hier onthou jy wie jy was

Wees jy weer wie jy kan wees

Hier lewe jy, al le die seer nog vlak

Hier is jy heel al wil jou oog nie sien….

Laat jou evaring van wie God is vir jou openbaar word in elke situasie en omstandigheid. Sien Hom in die goed en sleg. Ervaar Hom in jou seer en jou vreugde. Voel Hom, proe Hom, sien Hom, hoor Hom.

Weet dis Hy, God met jou…

LEWE!!

Ek is die laaste ruk gekonfronteer met my indentiteit in Chrisuts. Die leuen wil vir jou kom voorhou dat jy nie goed genoeg is nie, dat jy meer moet doen om God te behaag, om ‘n beter ma te wees, beter vrou te wees, alles net beter en beter.  Ek onthou dat vyand in die vorm van ‘n slang, ook vir Eva hiermee kom konfronteer het, toe hy vir haar baie subtiel met die leuen kom verlei het:

Gen 3:4  Toe sê die slang vir die vrou: Julle sal gewis nie sterwe nie;

Gen 3:5  maar God weet dat as julle daarvan eet, julle oë sal oopgaan, sodat julle soos God sal wees deur goed en kwaad te ken.

Maar jy sien, ons weet al te goed dat God die mens in die vorige hoofstuk, na Sy beeld en gelykenis gemaak het. Hulle was, en is soos Hy. Hier kom Eva met haar beste bedoelings en eet van die vrug om soos Hy te wees.

Die vyand kom nie met leuens wat ons teologie en geloof “obviously” kom teestaan nie…Nee hy kom subtiel, hy gebruik jou eie “insecurities” en sogenaamde tekortkominge om jou te mislei oor wie jy in Christus is.

Ek lees ook Genesis van 2 bome, die boom van die lewe, en die boom van kennis van goed en kwaad. Dis ons keuse waar ons wil lewe, onder watter boom ons wil piekniek hou. Aan die een kant is daar die boom van die LEWE, God se droom vir ons, God se hart vir die mens. Sy liefde en RUS. ‘n Plek waarnatoe hy ons neem en neerle langs groen weivelde en vir ons ‘n tafel berei voor ons teenstanders.

Dan is daar die boom waar onder ons, ons heeltemal te veel bevind. Die boom van kennis van goed en kwaad. Hier is die hard werk, performance, doen!! Hier is tot ons beste werk goed, maar in die verkeerde boom. Ek glo dat al hoe jy onder hierdie boom operate, is deur jou prestasie te meet. Dis mos hoe jy sien wat is goed en kwaad. Hoe goed het jy vandag gedoen met jou humeur op die paaie? Wat was jou vlakke van geduld met jou kinders? Het jy by jou dieet en oefenplan gehou? Hoe goed of sleg, goed of sleg…… En wat wys die uitslae daagliks? JY KON BETER. Jy is nooit hier goed genoeg nie, jy skiet altyd tekort.

Maar hou moed, daar is goeie nuus.

Deu 30:19  Ek neem vandag die hemel en die aarde as getuies teen julle; die lewe en die dood, die seën en die vloek het ek jou voorgehou. Kies dan die lewe, dat jy kan lewe, jy en jou nageslag..

Dis ons keuse vandag waar ons wil lewe. Ek kies om te lewe onder die boom van die lewe. Daar waar die volheid van Hom in my woon liggaamlik, in die skeur op die rots soos Moses. Daar waar daar geen veroordeling is nie, waar vrede wat alle verstand te bowe gaan my omring. Waar heerlikheid my vooruitgaan en Sy geregtigheid my agterhoede is. Daar waar ek geplant is langs strome van lewende water, waar ek vrug dra op die regte tyd, en wees soos ‘n boom waarvan diie blare nooit verwelk nie.

Dan sal ons wees ‘n aangename geur, sout vir die aarde en lig vir die wereld.

Wees geseend!!

Jy verdrink nie, jy loop op water!!

Vier jaar gelede het ek laas my hart hier gedeel. Hoe dinge nie darem in 4 jaar kan verander nie. Hoe jou "storie" nie darem net na absoluut iets toe verander wat jy nooit sou geskryf het oor jou self nie. Ek praat nie nou van hoe ons drome vir ons lewens verskil met God se droom nie, ek praat van hoe die lewe en omstandighede kom en alles in jou prentjie kom verander.

MAAR hoe God jou nooit ooit verlaat nie, jou nooit begewe nie, jou nooit alleen laat nie.
Hoe Sy karakter nie verander nie. Hoe Sy hart en droom oor jou nie verander nie. Jy is Sy liefdesgedig, Sy melodie, Sy hartsbegeerte na wie Hy verlang....

So rukkie terug was ek in situasie waar ek Jesus spreekwoordelik wou wakker ruk en die boot wou omgooi dat Hy saam met my in die water kom spartel vir lewe. Ek het besef Hy slaap soos in die gelykenis, omdat Hy weet alles sal OK wees. 
Maar diep binne het ek gewens Hy swem eerder hier langs my tussen die ongelooflike golwe en sluk saam my water. Ek het gewens Hy voel hoe ek moeg word om die regte keuses te bly maak om vreugde en vrede te kies.
Ek het kwaad begin raak dat Hy met soveel oortuiging my los om te fight vir my lewe en Hy le in die boot en slaap. 
Na ek hierdie beeld met n vriendin gedeel het wat saam my gebid het in hierdie tyd, het sy baie rustig vir my kom uitwys dat ek in die verkeerde storie is.......
Ek het verbaas gevra wat sy bedoel en sy het gese dat ek die verkeerde storie hier aanhaal. Yes, ek is in die water, en ja daar is 'n storm. Maar in hierdie storie is Jesus reeds in die water. Hy roep my na Hom toe. Ek is besig om op die water te loop, en nie om te verdrink nie. Hy le nie en slaap nie, Hy staan saam my. Al lyk die golwe hoe, en al sluk ek hoeveel water, ek loop saam met Hom op die water. Ek is nie 'n drenkeling nie, eks 'n wonderwerk. EK LOOP OP WATER!!

Ek sal oor tyd hier deel wat God oor die laaste 5 maande in my lewe kom doen het, nie die slegte ervaring of omstandighede nie. My fokus is nie meer daar nie, maar in die lewe van oorvloed wat ek het in Hom. Oorwinning en eintlik meer as oorwinnaar. Ek wil hierdie herontdekking van Sy goedheid kom deel omdat ek net glad nie sal kan stil bly nie. Ek sal nie kan ophou om Sy naam te besing en aan Hom die eer te gee vir wat Hy kom doen het nie. Hy is lewe en lig en sal vandag,more en tot in ewigheid dieslfede wees!! 

"Free Ticket"?

Die onderwerp het al soveel gesprekke aan die gang gesit omdat mense so “bang” is dat genade ons ‘free ticket” tot sonde kan wees. My antwoord was net altyd dat as dit jou vraag is, jy nie mooi verstaan nie. Ek het egter nou ‘n beter beeld….

Eerstens, kom ons stem net gou weer saam dat sonde nie meer ‘n issue is vir God nie, en dat Hy die prys ten volle daarvoor betaal het, deur vinnig na paar skrifte te kyk:

Joh_1:29 Die volgende dag sien Johannes Jesus na hom toe kom, en hy sê: Dáár is die Lam van God wat die sonde van die wêreld wegneem!

Mat_26:28 Want dit is my bloed, die bloed van die nuwe testament, wat vir baie uitgestort word tot vergifnis van sondes.

Heb_1:3 Hy, wat die afskynsel is van sy heerlikheid en die afdruksel van sy wese en alle dinge dra deur die woord van sy krag, nadat Hy deur Homself die reiniging van ons sondes bewerk het, het gaan sit aan die regterhand van die Majesteit in die hoogte, (let op die verlede vorm)

Heb_8:12 Want Ek sal barmhartig wees oor hulle ongeregtighede en aan hulle sondes en hulle oortredinge nooit meer dink nie.

Heb_9:28 so sal Christus ook, nadat Hy een maal geoffer is om die sondes van baie weg te neem

Heb_10:17 en aan hulle sondes en hulle ongeregtighede sal Ek nooit meer dink nie.

Kan seker nog klomp hier byvoeg, maar ek dink dit maak die punt. Sonde is mee gedeel, een maal vir altyd!

Gewoonlik kom die vraag dan nou, maar se dan jou dat ek kan doen wat ek wil? Paulus het ook die vraag gehad:

Rom_6:1 Wat sal ons dan sê? Sal ons in die sonde bly, dat die genade meer kan word?

Rom_6:2 Nee, stellig nie! Ons wat die sonde afgesterf het, hoe kan ons nog daarin lewe?

Maar selfs hierdie antwoord van Paulus is nie gewoonlik genoeg nie.

Dit bring my by die tweede punt, ons het saam met Jesus gesterf en het saam met Hom opgestaan.
Nou is die posisie wat ons beklee IN CHRISTUS. Ons is EEN met Hom!!

1Kor_1:30 Maar deur Hom is julle in Christus Jesus, wat vir ons geword het wysheid uit God en geregtigheid en heiligmaking en verlossing.

Gal_3:28 Daar is nie meer Jood of Griek nie, daar is nie meer slaaf of vryman nie, daar is nie meer man en vrou nie; want julle is almal een in Christus Jesus.

Joh 17:22 En Ek het hulle die heerlikheid gegee wat U My gegee het, sodat hulle een kan wees, net soos Ons een is.

Joh 17:23 Ek in hulle en U in My, sodat hulle volkome een kan wees; en dat die wêreld kan weet dat U My gestuur het, en hulle liefgehad het net soos U My liefgehad het.

Om terug by die vraag te kom, kan ek dus nou maar doen wat ek wil??

My antwoord: as jy besef dat jy en Jesus waarlik een is, JA!!!

As daar nog twee is, jy aan die een kant, en God daar ver ander kant, NEE! Jy sit met ‘n groot problem om te dink, dat onder die genade jy net kan doen wat jy wil indien jy nie verstaan, dat jy en God waarlik een geword het nie.

Paulus gaan verder in Romeine 6

Rom_6:6 aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie.

Rom_6:7 Want hy wat gesterf het, is geregverdig van die sonde.

Rom_6:10 Want die dood wat Hy gesterf het, het Hy vir die sonde eens en vir altyd gesterwe; maar die lewe wat Hy leef, leef Hy vir God.

Rom_6:11 So mCol_1:14 in wie ons die verlossing het deur sy bloed, naamlik die vergifnis van die sondes.

oet julle ook reken dat julle wel vir die sonde dood is, maar lewend is vir God in Christus Jesus, onse Here.

Rom_6:12 Laat die sonde dan in julle sterflike liggaam nie heers dat julle aan sy begeerlikhede gehoorsaam sou wees nie

Jy sien, ons wil soooo graag sonde preek, reg en vekeerd, goed en kwaad….. terwyl God in die tuin praat van die boom van die lewe.

Ons fokus moet wees ons eenwording met God, ons lewe in Christus!!!!!!

Hoe kan ek val vir duisternis as LIG my VOLLE aandag het?????

Seen jou met ‘n lewe een met Hom!!!

Wie soek vir wie??

Ek het nou die oggend net hierdie gedagte bedink oor hoe ons na God “soek”. Ons soek Hom vir deurbrake, vir wysheid, vir vergifinis…… Ek praat nie net van woordspeling nie, maar ‘n hele wese wat soekend is na God.

Net nadat Adam en Eva in die tuin van die vrug geeet het en hulle oe oopgegaan het, het hulle weg gaan kruip. En raai wat: God soek na hulle!!

Gen 3:9-10 Toe roep die HERE God na die mens en sê vir hom: Waar is jy?En hy antwoord: Ek het u geruis gehoor in die tuin en gevrees, want ek is naak; daarom het ek my verberg.

Hy soek na ons!

Opb 3:20 Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My.

Ons is so besig om God van erens af, nader te wil bring of te soek. Hetsy deur ons werke, ons aanbidding, middelaars en leefstyl:

Rom 10:6 -8 Maar die geregtigheid wat uit die geloof is, sê dit: Moenie in jou hart sê nie: Wie sal in die hemel opvaar, naamlik om Christus af te bring;of: Wie sal in die afgrond neerdaal, naamlik om Christus uit die dode op te bring?Maar wat sê dit? Naby jou is die woord, in jou mond en in jou hart. Dit is die woord van die geloof wat ons verkondig

Daar is nou geen meer skeiding tussen ons en God nie, geen meer verskoning

Ef 2:14 Want Hy is ons vrede, Hy wat albei een gemaak en die middelmuur van skeiding afgebreek het

As ek dan nou nie hoef te soek nie, kan ek maar net rus in die wete dat Hy my “gesoek” het, EN gevind het in Jesus Christus. In Jesus het Hy geword wat ek was sodat ek kan wees wat Hy is (2Kor5:21)

Psa 46:10 Laat staan en weet dat Ek God is; Ek sal hoog wees onder die nasies, hoog op die aarde.

Psa 46:10 Be still, and know that I am God

Jes 14:7 Die hele aarde rus, is stil; hulle breek uit in jubel.

Jes 30:15 Want so sê die Here HERE, die Heilige van Israel: In terugkeer en rus lê julle heil, in stil wees en vertroue bestaan julle krag;

En selfs in die kere wat die mens na God gesoek het, het Hy hom laat vind. Hy kruip nie weg of speel dood nie…

2Kron15:4 Maar as hulle in die nood hul tot die HERE, die God van Israel, bekeer het en Hom gesoek het, het Hy Hom deur hulle laat vind.

Jy sien, hier is Sy hart :

Jes 65:1 Ek het My laat raadpleeg deur wie na My nie gevra het nie; Ek het My laat vind deur die wat My nie gesoek het nie; aan ‘n nasie wat na my Naam nie genoem is nie, het Ek gesê: Hier is Ek, Hier is Ek!

1Joh 4:19 Ons het Hom lief, omdat Hy ons eerste liefgehad het.

Sy teenwoordigheid en nabyheid IN my, laat my so versadig, so vergenoeg. Nooit weer is ek soekend…

Joh 4:13-14 Jesus antwoord en sê vir haar: Elkeen wat van hierdie water drink, sal weer dors kry;maar elkeen wat drink van die water wat Ek hom sal gee, sal in ewigheid nooit dors kry nie, maar die water wat Ek hom sal gee, sal in hom word ‘n fontein van water wat opspring tot in die ewige lewe.

Wat jy hieruit kan vat is die feit dat God nooit die mens alleen gelaat het nie. Hy soek al van die eerste dag af wat die mens sy eie rigting inslaan, na ons. Wat ‘n gedagte om te koester, dat die God van die heelal, na my soek, daagliks! Sy begeerte is na my!

Genade:'n Keuse??????

Genade word gereeld in engels beskryf as: “unmerited favour” of soos ons se, onverdiende guns…..Dis iets wat ons nie verdien het nie, en dan in dieselfde asem voel ons, ons moet dit nog kies.

Hier is die waarheid: jou keuse het NIKS met God se genade uit te waai nie.

Jou keuse het nie bepaal of Jesus aan die kruis sou sterf en vir die mensdom hul vryheid koop nie.

Jou keuse het jou nie die geregtigheid van God gemaak nie.

Jou keuse maak jou nie meer eksklusief of beter as die mens langs jou nie.

Jou keuse is nie iets waarop jy kan roem nie.

Wat keuse aanbetref gee God jou nog die antwoord ook, so dis nie eers jou eie wysheid gewees nie:

Deut 30:19 Ek neem vandag die hemel en die aarde as getuies teen julle; die lewe en die dood, die seën en die vloek het ek jou voorgehou. Kies dan die lewe, dat jy kan lewe, jy en jou nageslag,

Net soos jy geen keuse gehad het in die feit dat Adam die vrug geeet het en die hele aarde onder die vloek van sonde gekom het nie, VEEL MEER het jy geen invloed gehad in die feit dat die hele mensdom deur die een Jesus Christus, geregverdig gemaak is.

Rom 5:17 Want as ten gevolge van die misdaad van die één die dood geheers het deur die één, veel meer sal hulle wat die oorvloed van die genade en van die gawe van die geregtigheid ontvang, in die lewe heers deur die Één, Jesus Christus.

Rom 5:18 Daarom dan, net soos dit deur een misdaad vir alle mense tot veroordeling gekom het, so ook is dit deur een daad van geregtigheid vir alle mense tot regverdigmaking van die lewe.

Rom 5:19 Want soos deur die ongehoorsaamheid van die een mens baie tot sondaars gestel is, so sal ook deur die gehoorsaamheid van die Één baie tot regverdiges gestel word.

God het in Sy eie barmhartigheid en LIEFDE besluit en gesmag na eenheid met die mens.

Sy hart is jy, en Hy het van Sy kant af alles gedoen sodat daar nooit weer skeiding tussen mens en God hoef te wees nie. Daar sal geen meer verskoning wees vir skeiding met God nie.

Geen vertraging in ons gesprekke met Hom nie. Elke asemteug roep die naam van die Here uit.

Hoekom is hierdie punt belangrik?? Omdat ons nie eksklusief is nie. Ons het niks om in te roem nie, behalwe Christus nie. Ek kan nie die kwas uit die meester kunstenaar se hand neem en byvoeg by die alreeds heerlike prentjie van wat Hy sien nie. EK KAN NIE EN HOEF NIE BY TE VOEG NIE.

Wat bly dan oor? Word wakker!!

Psa 17:15 Maar ek sal u aangesig in geregtigheid aanskou; ek sal versadig word met u beeld as ek wakker word.

Col 3:1 You are raised together with Christ! Now pursue with persuasion the consequence of your co-inclusion in Christ. Relocate yourself mentally! Engage your thoughts with throne room realities; his resurrection co-raised you to the same position of authority, seated in the executive strength of God's right hand.Col 3:2 Becoming affectionately acquainted with these thoughts will keep you from being distracted again by the earthly (soul-ruled) realm.Col 3:3 Your union with his death broke the association with that world; the secret of your life now is the fact that you are fully embraced with Christ in God.

Jesus word nie weer gekruisig elke keer as individue die regte keuse maak nie.

Hy het een maal die volkome prys betaal vir altyd. Jy was reeds ingsluit daardie dag aan die kruis, voor jy dit besef het.

Vandag hoor jy dus die woord van God se genade en waarheid, en alles in jou word “wakker” en spontaan reageer jy met ‘n keuse vir iets of Iemand wat jou reeds voor die grondlegging van die aarde al eerste gekies het.

My reaksie is dus nie ‘n voorvereiste vir Sy genade of liefde nie, maar ‘n spontane, heerlike, gevolg van iets wat so resoneer in my hele wese. Woorde kan nie eers beskryf wat met die mens gebeur as hy sy oorsprong ontdek nie.

James 1:25 The other one is mesmerized by what he sees; he is captivated by the effect of a law that frees man from the obligation to the old written code that restricted him to his own efforts and willpower. No distraction or contradiction can dim the impact of what he sees in that mirror concerning the law of perfect liberty (the law of faith) that now frees him to get on with the act of living the life (of his original design.) He finds a new spontaneous lifestyle; the poetry of practical living.